Dul-an sa 1.7 milyones pesos ang kantidad sa ilegal nga drogas ang nasakmit gikan sa usa ka babaye kinsa gitumbok nga Regional High Value Individual ug nasikop atol sa buybust operation didto sa purok 7, Barangay Bool siyudad sa Tagbilaran kagabii.
Ang nadakpan giila nga si Gemuba Librada Alcala y Ras “alyas” Madam Gem’ 33 anyos taga Purok 5, Barangay Yanangan sa lungsod sa Loay. Nasakmitan kini sa iyang posesyon ang mga pinutos sa gituhuang shabu nga gibana bana nga motimbang sa 255 ug mobalor sa kapin 1.7 milyones pesos.
Nasayran pasado alas 8:35 kagabii ang mga operatiba sa regional provincial drug enforcement unit RPDEU-7 nga gipangulohan ni P/Lt. Edcel Petecio PIU ug Tagbilaran City Police Station nilusad sa buybust operation batok ni “Madam Gem” human namonitor ang ilegal niini nga kalihukan diha sa purok 7, sa brgy. Bool ning siyudad.
Usa ka sakop sa operatiba ang nagsilbing poseur buyer ang gikatransakyon ni madam Gem sa dihang nagpositibo ug wa na kini nakalihok sa dihang napusasan. Nakuha ang laing mga putos sa gituhuang shabu sa posesyon niini.
Amenado hinuon ang suspek nga igo lamang siyang gisugo sa maong transakayon.
Gihulagway nga anaa kini sa talaan sa RPDEU-7 nga RHVI kun regional high value individual.
Sa pagkotlo ning balita kasamtangan nga gikustodya sa Tagbilaran City PNP custodial facility ang dinakpan samtang kasong kalapasan sa sec. 5 ug 11 sa RA 9165 ang nakatakda nga masang at ngadto sa piskalya karong adlawa. (Cesar Capangpangan uban ni Ern Pahayahay.)
