NANGAANGOL ang duha ka mga drayber human aksidenteng nagsugat sa pagkabangga ang ilang gimpanehoang motorsiklo sa may Abatan didto sa lungsod sa Maribojoc niadtong Huwebes sa alas 7:20 sa gabii.
Ang mga drayber giila nga sila si Sambel Lipio, 42 anyos, minyo, lumad nga lumolupyo sa Purok-3, Brgy. Libertad, lungsod sa Baclayon ug Reynaldo Arancana, 48, minyo, Taga Brgy. Bitaungan, Antequera, Bohol.
Sigun sa taho nga samtang si Lipio nga giingong nakatagay og bino luwan sa iyang Honda Dream nga motorsiklo, nagdagan gikan sa Brgy n San Roque sa maong lungsod padung na untang mopauli. Dihang pag-abot sa may rough road sa maong dapit, aksidenteng nibangga sa gikasugat niining motorsiklo nga gimanehoan ni Arangcana uban sa iyang asawa nga backrider nga si Leah Arancana diin wala nakabantay ang naulahi gumikan kay walay suga ang nahauna.
“Nakainom ning drayber sa Honda, hinay iyang suga ug nikawat og linya, ” butyag ni Patrolman Ariel Bebero sa Maribojoc Police Station.
Daling gihatud ang duha ka mga drayber sa Maribojoc Community Hospital sa maong lungsod gumikan sa mga angol nga ilang nahiagoman. ,( ALAN ANDY NALZARO DALAGAN )
