NAANGOL ang tulo ka mga motorista human duha ka mga motorsiklo nagkabangga dayon aksidenteng natugpahan ang laingmotorsiklo didto sa Barangay Taguihon, lungsod sa Baclayon mga alas 7:20 sa buntag niadtong Bernes.
Ang biktima nga natugpaghan giila nga si Joseph Sulague, 46 anyos, lumad nga lumolupyo sa maong lugar.
Sigun sa imbestigasyon sa kapolisan nga ang biktima didto sa corner nga bahin padung na unta kining mosud sa provincial road. Apan may usa ka motorsiklo nga gimanehoan ni Jaylord Hayo, 26, lumad sa Brgy. San Isidro, Baclayon kinsa nagsunod sa laing motorsiklo nga gidrayban ni Joseph Jumang-it, 45, taga brgy. Montaña, Baclayon kinsa pulos nagdagan padung sa direksiyon sa Tagbilaran. Dihang pag-abot sa maong lugar, kalit na ni left turn si Jumang-it hinungdan nga nabanggaan ni Hayo.
Matud sa taho nga nangalagpot ang duha ka mga motor ug ang motor ni Hayo maoy nitugpa sa naka-parking nga motor sa biktima.
Nahiagom ang tulo ka mga biktima og mga angol ug daling gihatud didto sa Gov. Celestino Gallares Memorial Hospital sa siyudad sa Tagbilaran. Apan pulos nakagawas.
Nagkasinabot na ang matag panig. ( ALAN ANDY NALZARO DALAGAN )
