USA ka 31 anyos nga lalaki kinsa gialegar nga nanglugos og 60 anyos nga lola, nadakpan sa kapolisan didto sa Sitio Logarita, Barangay Riverside, lungsod sa Bilar niadtong Merkoles sa hapon.
Ang suspetsado giila nga si Mario Jamoy Macalolot, 31 anyos, mag-uuma, lumolupyo sa Purok-3, Brgy. Riverside, Bilar.
Ang ginsakpan sa Bilar Police Station nagpahigayon og hot pursuit operation batok sa maong suspek kinsa gialegar nga nanglugos sa usa ka lola ug niresulta sa pagkasikop niini.
Positibong gitumbok sa biktima ang biktima nga maoy nilugos kaniya.
Gitoltolan sa biktima ang kapolisan sa lugar diin giamong -amongan kini.
Sigun sa asoy sa biktima ngadto sa kapolisan nga gihulga kini gamit ang mahait nga hinagiban, gisap-ongan ang iyang baba ug pugsanong gilugos hangtud nilampos ang suspek sa lawasnon niining tinguha ngadto sa biktima.
Kasamtangang gipaslak sa karsel sa Bilar PNP ang maong dinakpan alang sa dugang pakisusi. ( ALAN ANDY NALZARO DALAGAN )
