TAGBILARAN CITY, Bohol, October 3 (PIA)–Gipahibalo sa Professional Regulation Commission (PRC) nga gitakda ang virtual oathtaking sa mga pasado sa Nurses Licensure Examination sa Oktubre 26, 2022.
Matud pa sa pahibalo sa PRC nga ipahigayon ang online oathtaking sa alas-2 sa hapon sa pagpanguna sa PRC-Iloilo sa Microsoft Teams o Zoom.
Gitambagan usab sa komisyon ang mga inductees nga magsuot og gala uniform ug cap ug mogamit og white backdrop sa oathtaking ceremony.
Kinahanglan usab nga mokuha og online appointment schedules sa http://online.prc.gov.ph ug pilion ang “e-OATH” isip transaksyon.
Isarado ang online registration lima ka adlaw sa dili pa ang virtual oathtaking day, matud pa sa PRC.
Rekisitos usab sa mga inductees nga mag-print og “oath of professional” form nga makuha sa PRC official website ubos sa PRC Online Services. (ecb/PIA7-Bohol)
