Mao kana ang gibutyag ni Presidente Bongbong Marcos Jr. atol sa paglusad sa Kadiwa ng Pasko Project gahapon didto sa Mandaluyong City.
Sa maong paglusad, ang mga Pinoy nakapalit sa tag P25/kilo nga bugas, isip kabahin sa lakang sa administrasyon nga paubson ang presyo sa mga bugas.
“Pag bibili ng bigas, kinukuha sa NFA (National Food Authority), kinukuha sa buffer stock… hindi kumikita ang NFA, kung ano yung pinambili nila, ganun din ang presyo kaya’t nakita ninyo yung bigas, P25 (per kilo),” matud sa Presidente sa iyang speech gahapon sa paglusad sa maong proyekto sa tibuok nasud, base sa Facebook post sa Office of the Press Secretary gahapon.
“Palapit na tayo dun sa aming pangarap na mag-P20 (per kilo of rice). Pero dahan dahan. Aabutin din natin yan,” punto ni Marcos.
Niingon usab ang anak nga Marcos nga seryoso ang gobyerno sa obligasyon niini nga mahimo gayud ang maong pangandoy nga baratong bugas aron mapanindot ang pamuyo sa mga Pinoy.
“Ang Kadiwa ay nagdadala lamang ng mas mura na bilihin sa taumbayan. Itong Kadiwa ay nakakamura dahil ang taumbayan ay bumibili nang diretso sa supplier, kaya lahat ng transport cost, lahat ng ganyang klase na kailangan bayaran, ang gobyerno na ang gumagalaw,” matud pa sa Presidente.
Ang Kadiwa ng Pasko project gi-‘conceptualized’ aron matubag ang problema sa ‘inflation’ sa paghatag sa katawhan og mga ‘affordable goods’ ilabina sa umaabot nga holiday season pinaagi sa koordinasyon sa Department of Agriculture (DA) isip pangulong ahensya.
Tumong sa maong programa nga makahatag og merkado alang sa mga lokal nga mag-uuma ug mangisdaay alang sa ilang mga abot ug mga gagmay nga business enterprises nga nagbaligya sa mga nag-unang panginahanglan.
“Labing-apat, labing-apat ito na iba’t ibang Kadiwa ng Pasko na binubuksan namin. Si First Lady napunta sa Parañaque… Si Congressman Sandro nasa Quezon City. ‘Yung isang anak ko si Simon ay nasa San Juan,” suma sa Presidente.
“Patuloy po ito. Pararamihin po natin ito hangga’t may coverage na tayo na national,” dugang ni Marcos.
Ang maong pinakataas nga lider sa nasud Pilipinhon nagalaum nga ang mga Pinoy mo-suporta sa maong programa.
Katorse (14) ka sites nagdungan nga giablihan gahapon sa tibuok nasud, lakip na ang 11 sa National Capital Region, 1 sa Tacloban City, 1 sa Davao De Oro, ug 1 sa Koronadal City, South Cotabato.
Sa iyang speech, si Marcos Jr. nagpasalamat sa DA ug sa mga support agencies sama sa DTI, DILG, DSWD ug DOLE sa pag-organisa sa maong programa. Sa reaksyon sa netizens, nanghinaot sila nga ang maong programa maabot sa tibuok nasud aron daghan ang maserbisyuhan.
Ug kon magmalampuson ang P20/kilo nga bugas, sinugdanan na kana sa pag-abante sa mga Pinoy ug sa Pilipinas.
