Si Gob. Aris Aumentado nagbutyag nga ang mga local government units (LGUs) adunay gahum sa pag-regulate sa mga presyo sa isda sa ilang tagsa-tagsa ka dapit.
Matud sa gobernador nga ang gisangon sa balaod ngadto sa LGUs naglakip niini nga kaakohan aron pagpugong sa pasagad nga pagpatong sa presyo sa isdang gibaligya sa Bohol.
Hinoon, ang paghimo sa ingon ipaagi sa balaodnon diha sa ordinansa ug angayang tun-an sa mga local officials ang legal basis niini.
Ang Sangguniang Panlalawigan sa Bohol nagtuki na niini human gipursige ni Board Member Atty. Tommy Abapo, Jr. ang usa ka proposed Provincial Ordinance regulating fish prices in Bohol.
Matud ni Abapo sa media interview nga taas pa kaayo ang proseso sa pagpanday sa maong Ordinance, sama sa public hearing, nga ngayan sundon.
Karong bag-o, si Gob. Aumentado misuroy sa mercado publiko sa Talibon aron sa pag-inspection ug kini nagpakita sa baratong mga presyo sa isda salain-laing klasi. Matud niya nga maayo unta nga magpadayon kini.
Samtang sa samang kalamboan, si Salvio Madanguit nagbutyag nga duna guhapo’y baligya nga isdang barato sa kanhi tugpahanan sa syudad. (rvo)
