USA ka American national nakalingkawas sa nag-ungaw nga kamatayon human aksidenteng nabanggaan ang motorsiklo nga gimanehoan niini sa usa ka pick-up sa nasudnong dalan didto sa Barangay Tinago, lungsod sa Dauis niadtong Merkoles sa buntag.
Ang biktima giila nga si Normal Gomez, 69 anyos, residente sa lungsod sa Dauis.
Sigun sa taho nga samtang ang biktima luwan sa usa ka Suzuki S -Presso. Dihang pag-abot sa maong dapit, padung untang moliko apan aksidenteng nabanggaan sa nagsunod niini nga naghaguros nga Nissan Navara, gimanehoan ni Alejandro Cloma, 44. Hinungdan nga nalagpot daplin sa karsada ug naligid.
Pulos nangadanyos ang duha ka mga sakyanan. Samtang minor lamang ang angol sa duha ka mga drayber.
Nagkasinabot ang duha nga dili nalang magkasohay sa korte. ( ALAN ANDY NALZARO DALAGAN )
