ng disgrasya dili matag-an. Mahitabo kini bisan asa, bisan unsang orasa ug ni bisan kinsa.
Apan kon puwede makalikay, molikay na lang gayud.
Kahinumduman nga anaay mga tulay sa Bohol nga nahugno o naguba tungod sa karaan o kadugay na sa maong tulay ug tungod naatlan nga daghan ang niagi nga may bug-at nga dala o karga.
Posibleng hinungdan usab sa pagkahugno mao ang korapsyon diha sa “sub-standard’ nga mga materyales nga gigamit.
Niining bag-o lang, gipirmahan ni Gob. Aris Aumentado ang Executive Order No. 49 “which mandates that the load limits of all bridges in the Province of Bohol shall be strictly observed to ensure the safety of the riding public and all road users. This shall be enforced by the component LGUs, BPPO, DPWH District Engineering Offices & the Provincial Engineer’s Office,” base sa Facebook post niini.
“The E. O. also directs that all the bridges shall have visible load limit signs as warning and preventive measures. The SP is also enjoined to enact an ordinance that imposes penalties with corresponding fines to violators of said executive order,” dugang pa niini.
Sa hulagway sa maong post makita ang gitugot nga gibug-aton o karga nga isakay sa sakyanan base sa kadak-on niini. Ang maong unod sa EO No. 49 gikalipay sa mga netizens nga Bol-anon nga mabasa sa ilang mga komento. Ilang gidayeg ang gobernador kay anaay “concern” sa kaluwasan sa mga motorista o biyahero nga moagi sa mga tulay sa Bohol.
Gihangyo usab sa gobernador nga mosanong ang mga anaay sakyanan ilabina kadtong bug-at ang karga nga mosunod sa maong mandato.
Sugyot usab sa katawhan nga unta mas palig-unon pa ang mga tulay sa Bohol ug likayan ang pagkikik sa salapi nga gitagana alang niini aron dili mahimong huyang ang mga tulay.
Kini usa ka dakong hagit sa mga ahensyang hingtungdan ilabina sa mga lider sa katawhan. Magtinabangay alang sa kaluwasan ug seguridad sa tanan! Pag-amping.
