PATAY ang usa ka barangay kapitan human aksidenteng nakurentehan sa linya sa Boheco II didto sa Purok-7, Barangay Lungsodaan, lungsod sa Mabini mga alas 8:30 sa buntag niadtong Huwebes.
Ang biktima giila nga si Ruben Reyes Maglana, 64 anyos, lumad nga lumupyo sa maong lugar.
Sigun sa pakisusi sa Mabini Police Station nga ang biktima nirespondi kini sa maong dapit human natumbahan og dakong kahoy ang mainline nga kurente sa Boheco.
Pag-abot sa maong dapit, giingnan pa siya sa mga residente nga, ” Ayaw sag sud diha kap, kay live wire pa na, naa pa nay kurente. ” Apan wa nakabantay ang maong kapitan dihang musuong na unta siya sa kabli sa kurente, nasangit ang iyang likod nga bahin sa mainline.
Pagkahagsa sa kapitan, iyang natumbahan ang linya sa live wire hinungdan sa grabeng paso nga nahiagoman niini.
Gideklarar ang biktima nga patay ni Dr. Ivy Baterna sa RHU Mabini. ( ALAN ANDY NALZARO DALAGAN )
