UYON si Bise Gobernador Dionisio Victor Balite nga mahinayon ang piniliay karong Disyembre 5 ning tuiga.
Kini bisan paman nga naaprobahan na sa ubos balay balauranan ug nakalabang na sa ikaduhang pagbasa sa senado ang balaudnon nga nag-uswag sa piniliay sa unang Lunes sa December tuig 2023.
Sa Capitol Reports niadtong Bernes si Balite nagkanayon nga mas maayo pa nga masunod kun unsa ang nahaunang nalatid sa Barangay ug Sangguniang Kabataan election karong Disyembre 5. Kini tungod kay kun iuswag pa, sa sunod na usab piniliay aduna na unsay problema sa pag-uswag na usab niini.
Gipahayag ni Balite nga wa siya’y problema kun mahinayon ang piniliay sa SK ug Barangay karong umaabot nga Dec. 5.
Nanawagan siya sa mga barangay opisyal nga magtinarong sa ilang pangatungdanan diha sa tagsatagsa ka mga barangay nga ilang gialagaran.
Gibutyag usab ni Balite nga hapit na mapalit ang 14 ka mga sakyanan nga pagagamiton sa mga magbabalaud sa lalawigan sa Bohol.
Iyang gibutyag nga natapos na ang bidding ug way laing miapil sa bidding ug maoy matawag nga mananaog sa pagpalit sa nahisgotang sakyanan nga mao ang Nissan. ( AND ).
