NAUGDAW ang usa ka bodega nga ginama sa mga light materials didto sa Barangay Mansasa, siyudad sa Tagbilaran niadtong Dominggo sa buntag.
Ang tag-iya giila nga si Estrella Ebramin Flores, hamtong ang pangedaron, lumolupyo sa maong dapit.
Sa pakisusi ni SFO1 Richen Graham Roslinda, duty fire investigator sa Tagbilaran City Fire Station nga nasunog ang maong bodega nga ginama sa light materials.
Gideklarar nga under control mga alas 9:23 sa buntag ug gideklarar nga fire out pagka alas 9:30 sa buntag.
Way gikatahong naangol atol sa maong insidente.
Gibanabanaang mokabat ngadto sa P105,000 kapin kun kulang ang danyos sa maong hitabo.
Padayon pang gisusi sa kabombetohan ang hinungdan sa maong insidente. ( ALAN ANDY NALZARO DALAGAN )
![](https://i0.wp.com/boholbalita.com/wp-content/uploads/2022/08/297250573_5616130511770268_6935859902824866874_n-scaled.jpg?fit=1024%2C450&ssl=1)