TAGBILARAN CITY, Bohol, September 21 (PIA)–Usa ka automated weather system ang nadawat sa probinsiya sa Bohol gikan sa A2D niadtong Lunes, Setyembre 19, 2022.
Ang A2D Project – Research Group for Alternatives to Development, Inc., usa ka non-profit, non-government organization nga naglihok padulong sa pagpalambo sa kinabuhi pinaagi sa evidence-informed development practice.
Ang organisasyon nakigtambayayong sa National Grid Corporation of the Philippines (NGCP) alang sa usa ka proyekto nga gitawag og “INVESTING IN DISASTER RISK REDUCTION FOR RESILIENCE: A Corporate Social Responsibility Project of the NGCP with Guidance from the Sendai Framework”.
Ang bag-o lang nga pagbisita sa A2D Project ngadto sa probinsya sa Bohol naglantaw sa pagpalig-on sa localized early warning system ug communication system sa lokal nga kagamhanan isip paagi sa pagtampo sa dakong pagkunhod sa risgo sa kalamidad ug kapildihan sa kinabuhi, panginabuhian, ug panglawas ug sa ekonomiya, pisikal, sosyal, kultural, ug kinaiyahan nga mga kabtangan sa mga tawo, negosyo, ug komunidad.
Kini subay usab sa pagpangandam sa lalawigan sa pagpanguna ni Gob. Erico Aristotle Aumentado batok sa mga katalagman nga iya sa kinaiyahan sama sa linog, bagyo, pandemya, ug bisan unsang kalamidad nga moigo sa probinsiya.
Ang Bohol usa sa mga kaubang probinsya sa proyekto, kauban ang Northern Samar, Quezon, Aklan, Rizal ug Misamis Oriental. (ecb/PIA7-Bohol)
