Si Filipino bantamweight Carlo Paalam nidaug og bulawang medalya sa 2022 ASBC Asian Elite Men & Women Boxing Championships didto sa Amman, Jordan kaniadtong Sabado.
Si Paalam, kinsa usa ka silver medalist sa Tokyo Olympics, maoy ni-hari sa 54kg class human sa usa ka 4-1 split decision nga kadaugan batok ni Makhmud Sabyrkhan nga taga-Kazakhstan sa final.
Si Sabyrkhan, ang top seed sa division sa maong torneyo, maoy silver medalist sa niaging tuig sa AIBA World Boxing Championships.
Lakip sa nakadala og mga medalya sa maong duwa ang mga Pinoy nga sila si Nesthy Petecio (women’s featherweight) ug Hergie Bacyadan (women’s middleweight).
Si Petecio ug Bacyadan nakauli nga may pulos bronze nga medalya sa ilang tagsa-tagsa ka dibisyon kaniadtong Merkules.
Ang 30 anyos nga si Petecio, kinsa nidaug usab og silver saTokyo Games, napildi ngadto ni Karina Ibragimova sa Kazakhstan, 5-0, sa women’s 57kg featherweight semifinal.
Si Bacyadan, napildi sa kamot ni Ruzmetova Sokhiba sa Uzbekistan, 3-2, sa women’s 75kg middleweight semis.
