Si Congesswoman Vanessa C. Aumentado (2nd district) mipahiluna sa pag-apod-apod sa mga sakayang pangisda ngadto sa mga benepisyaryo gahapon sa tulo ka mga lungsod.
Ang pag-turn-over sa 10 ka mga baroto iyang giisip nga grasya gikan sa PLDT & Smart Foundation sa umaabot nga mga adlaw, matud sa iyang facebook post.
Upat ka baroto ang gi-apod-apod o turnover sa lungsod sa Ubay; tulo sa Panglao; ug tulo usab sa lungsod sa Tubigon.
“Daghang Salamat Manny V. Pangilinan sa maong grasya. Thank u so much PLDT & SMART FOUNDATION headed by Pres. Esther Santos,” matud ni Congw. Aumentado.
Sa iyang pag-turnover sa mga sakayan, gipasalamatan usab ni Aumentado sila si Mayor Eugeniano Ibarra, Dalareich Polot ug uban pang mga bisita nga kuyog kaniya sa nahawan, Clarin, Bohol.
Ang pag-turnover sa mga sakayan gi-koberan sa TV 5 nga gipanag-iyahan ni Manny V. Pangilinan sa PLDT. Ug kini iya usab nga gipasalamatan.
Si Congw. Aumentado midugang, “Atong nasayran nga duna pod diay maayo mogama ug mga boats sa Clarin si Mr. Jovencio Infanso diin didto mi pagama nila si PLDT & Smart Foundation at 70k each boat.”
Sa samang kalamboan, si Gob. Aris Aumentado, kapikas ni Cngresswoman Aumentado, nag-apod-apod sa mga sakayan pangdagat ug mga parphernalis nylon, fishing nets) ngadto sa mga beneficiaries sa mga lungsod sa Guindulman ug Valencia atol sa iyang “Meet and Greet,” o paghimamat ug pagtimbaya sa mga opisyal sa lungsod ug mga barangay.
`
Ang katuyoan sa maong kalihokan mao ang pagdala sa serbisyo ug barangay financial aid ug ubang pag-sirbsyo isip usa sa mga programa sa admistrasyon ni Aumentado paduol sa katawhan. (rvo)
