CORTES, Bohol Sept 18 (PIA)—Ikaduha sa kina-iwitan ang Rehiyon 7 sa pagkab-ot niini ngadto sa iyang mga senior citizens aron kahatagan og panalipud batok sa coronavirus disease pinaagi sa pagpabakuna.
Kinit ungod kat lakip ang Region 7 sa nagbitay nga mga rehiyon nga ang kang kinsa nga vaccine accomplishment sa senior citizens nga labing daling matakdan sa sakit, ubos pa gihapon sa 70%.
Ang Rehiyon 7 nagsunod sa labing iwit nga Bangsamoro Administrative Region of Muslim Mindanao (BARMM), nga naa pa sa 58.58% sa ilang pagpamakuna didto.
Ang Region 7 nakakuha pa lamang sa 60.90% sa iyang pagpmakuna sa mga senior citizens, butang nga nagpaborot sa iyang gikinahanglang mabakunahan sa una’ng usa ka gatus ka adlaw sa panglingkod ni Presidente Ferdinand Marcos Jr.
Tungod sa iwit nga posisyon, gikinahanglan pa sa Rehiyon 7 nga mobakuna sa 196,841 ka senior citizens, aron ma-inat niini ang immunity sa mga edaran na, ngadto sa 90% hnagtud sa Oktubre 8.
Sa Oktubre 8, motala si Presidente Marcos Jr., sa iyang ika 100 ka adlaw sa pwesto.
Ang BARMM, kauban sa Rehiyon 7, Rehiyon 11, Rehiyon 12 ug Rehiyon 8 nga nagbitay pa gihapon, bisan pa nga unang gisangit ang kab-otonon nga pamakuna sa 70%.
Ang BARMM anaa pa sa 58.58%, ang Rehiyon 7 anaa sa 60.90%, ang Rehiyon 11 anaa sa 65.02%, ang Region 12 anaa sa 65.71% ug ang Region 8, nag-ong-ong nasa 69.90%.
Tungod niini, kinahanglang magpulaw ang mga health authorities sa Rehiyon kay aduna na lamay dili moabut sa usa ka buwan sila nga tagal aron abton ang 196,871 ka mga senior citizens nga wala pa makapabakuna o wala pa makapakompleto sa duha ka tupokan sa primary vaccines series.
Ang Rehiyon 7, adunay kinatibuk-an nga 198,005 ka mga senior citizens nga wala pa makakompleto sa ilang ikaduha nga tupokan sa bakuna, bisan pa man kon may pipila na usab kanila ang anaa na sa ikaduhang tupok sa booster dose.
Sa tanan nga Rehiyon sa Pilipinas, ang Rehiyon 7 lamang ang may labing daku nga target alang sa Oktubre 8.
Kini usab samtang nag-una na ang Region 2 sa accomplishment sap ag-abut sa 90% nga mabakunahan sa iyang mga senior citizens. Nakuha na sa Rehiyon 2 ang 92.97%, samtang anaa na sa 90.81% ang Cordillera Administrative Region sa ilang A2 accomplishment ug anaa na usab sa 90.68 ang National Capital Region. (RAHC/PIA-7/Bohol)
