CORTES, Bohol Sept 25 (PIA) – Gipahibaw na sa Department of Science and Technology (DOST) nga bukas na ang aplikasyon sa ilang undergraduate scholarship programs sa Science Education Institute (DOST-SEI) sugod sa Septembre 19 ngadto na sa Disyemre 2, 2022.
Ang nahisgutan nga scholarship, mahimo nga pinaagi sa RA 7687 ug Merit alang sa senior high school students nga buot mopadayon sa upat o lima ka tuig nga kurso sa natad sa siyensya ug teknolohiya sa school year SY 2023-2024.
Mahimo nga mo-apply niini pinaagi sa online, ang mga motapos sa Grade 12 sa school year 2022-20-23, laki man o babaye.
Niini, ang tanan nga mga estudyante nga nagasubay sa Science Technology Engineering ug Mathematics STEM strand, pwede nan ga mo apply.
Sa mga estudyante nga ang ilang strand dili STEM, gikinahanglang sila naapil sa top 5 sa graduating class aron maka-apply.
Sa mga nakahuman na sa Grade 12 sayo pa sa SY 2022-2023 apan wala mopaenrol sa kolehiyo, pwede pa sila nga mo-apply.
Dala usab niini, kadtong mitapos sa high school saw ala pa ang K12, gikinahanglang anaa usab siya sa top 5 sa graduating class ug kinahanglang may nakuhang grado sa Grades 9, 10, ug 11.
Kon pananglit nakalaktaw sa usa o duha ka ang-ang sa eskwelahan tungod sa Philippine Education Placement Test, ang Certificate of Rating katumbas na sa ang-ang nalat-angan.
Ang tanan nga eplikante kinahanglang natawo gyud sa Pilipinas ug naghupot sa maayong pamatasan ug dili sakiton.
Matud sa DOST, mahimo pa usab nga mobalik kadtong mingkuha na sa DOST-SEI Undergraduate Scholarship Examination apan wala makapasar kaniadto, o nakapasar na apan wala dayon mokuha sa iyang scholarship.
Hinuon usab, importante nga ang aplikante, wala pa makasugod sa kurso sa kolehiyo o vocational nga kurso ug kurso human sa kolehiyo.
Ang mga aplikante gihatan usab hangtud Disymebre 2 sa pagduso sa ilang mga rekisitos sa Online, aron masubay kin isa dili pa ang eksaminasyon sa Marso 11 ug 12, 2023.
Isip mga scholars, kon makapasar ug madawat, may binuwan nga allowance nga tag P7,000, may pang matrikula ug ubang balayranans a eskwelahan nga moabut sa P40,000 alang sa matag Academic Year, P10 mil nga Book Allowance ug P1,000 nga Clothing Allowance alang sa unang semester sa tuig.
Kon makalahutay, may P10,000 usab nga Thesis Allowance, group health ug accident insurance (Premium), transportation allowance alang niadtong mobyahe pa paingon sa tunghaan nga gawas sa ilang lalawigan alang sa 1 economy-class roundtrip fare), may summer allowance (kon kini naapil sa curriculum).
Alang sa dugang kasayuran, subaya ang DOST Bohol PSTC Facebook aron makakuha sa online application form. (RAHC/PIA-7/Bohol)
