Laing Drug den sa lungsod sa Panglao ang napuhag sa mga operatiba sa philippine drug enforcement agency atol sa hini-usang operasyon didto sa brgy. Tawala ning lungsod, tulo ka mga tawo ang naaktohan lakip ang mahuyang nga nagsilbing drug maintainer.
Ang mga nadakpan giila nga si Herminiano Salan 20 anyos lumad nga taga brgy. Malbog sa lungsod sa Jagna nagsilbing drugden maintainer. Samtang duha ka mga parokyano nga pulos mga habal-habal driver nga sila si Jhon David y Salena 32 anyos lumad nga taga Miss. Oriental ug kasamtangan nga nagpuyo sa brgy. Libaong sa lungsod sa Panglao ug Mark Gabica Gaudin 36 anyos lumad nga taga Bukidnon ug kasamtangan nga nagpuyo sa brgy. Tawala sa maong lungsod.
Nasakmit gikan kanila ang mga pinutos nga celophane nga may sud sa gutuhuang shabu ug gibana bana nga motimbang sa 11 gramos nga mobalor sa 74,000.00 pesos ang kantidad.
Matod ni PDEA Chief Bohol IAV Ferdinand Kintanar kinsa maoy nangulo sa operasyon nga pasado alas 7:15 kagabie gilusad ang buybust operation batok ni Salan kini human namonitor kinsa nagduma og drugden sa purok 7, brgy. Tawala, usa ka sakop sa ahenti sa PDEA nga babaye nga nagsilbing poseur buyer sa dihang nagpositibo nga natunol ang gama’yng putos sa gituhuang shabu tugbang sa buybust money kantidad sa 500 pesos.
Wa na makalihok ang mga gikatahapan sud sa usa ka drug den og nakuha ang laing duha ka medium size laing gamayng putos nga gituhuang shabu.
Atol sa operation gilangkuban kini sa regional Provincial Drug Enforecement Unit nagbasi sa region 7 nga gidumala ni Lt. Edcel Petecio, Regional intelligence unit- 7, provincial intelligence, NAVFORSEN, BOHOLMARPSTA, ug Panglao police station.
Sa pagkutlo niining balita gihikay sa PDEA Bohol ang kasong kalapasan sa sec. 5,6,7, ug 11 sa article 12 n15 RA 9165 batok sa mga durugista.
