Dakpan sa gipahigayo’ng buybust operation ang duha ka batan-ong estudyante sa lungsod sa Getafe gahapon sa ala 1:34 sa kaadlawn Nov. 19, 2022.
Ang duha ka mga batna-on positibong napalitan ug nakuhaan og mga gituohang ginadiling drugas sa kapolisan sa Getafe ubos sa mando ni PLT. Margarito Cagoco nga may koordinasyon sa PDEA.
Ang gituohang namaligya og shabu giila nga si Remart Turtoga Tradio, 23 anyos taga Brgy. Bago, Buenavista ug kinsa usa ka ALS student kinsa napalitan ug usa ka gamay’ng putos nga gituohang shabu ug laing 2 nga anaa sa posesyon niini kauban nga gisulod sa kahaan sa sigarilyo ug ang 500 peso bill nga buybust money sa bulsa niini.
Ang usa nga kauban niini mao si Francis Jax Boligan 22 anyos, taga Bago, Buenavista, kinsa usa usab ka Senior High student kinsa nakuhaan usab ug laing duha gagmay’ng putos nga gituohang shabu.
Matod sa taho nga nakuha gikan sa informant sa kapolisan sa Getafe nga ang maong batan-on namaligya ug shabu sa ilang lugar ug sa mga kasilinganang lungsod diin ang ilang source naggagikan sa Probinsya sa Cebu diin giangkon usab sa suspetsado nga batan-on.
Ang maong operasyon gisaksihan sa DOJ, BBDN isip media representative ug mga brgy. Kagawad nga gigamitan ug body-worn camera sa kapolisan samtang gipahigayon ang briefing sa mga witnesses ug ang buybust operation.
Gipaslak na ang maong mga suspetsado sa Police Custodial Facility samtang gi-andam ang tukmang sumbong nga isang-at ngadto sa piskalya.
