TAGBILARAN CITY, Bohol, Nov 15 (PIA) –Sugod karong adlawa, magsugod na og dawat ang tanan nga mga kwalipekado nga empleyado sa goberno sa year-end bonus ug cash gift, segun pa sa Department of Budget and Management (DBM).
Si Secretary Amenah F. Pangandaman mipatin-aw niini samtang iyang gipasabut nga ang mga makadawat dato lamang kwalipekado.
Kinatibuk-an nga P56,733,480,000 ang gipahat sa kagamhanan alang lamang sa gitagana nga year-end bonus sa mga kwalipekado nga sibilyan ug mga naa sa serbisyo nga unipormado sama sa kasundalohan ug sa mga ahensya ug departamento sa kagamhanan.
Sa laing bahin, gikan sa General Appropriations Act (GAA) sa fiscal year 2022, mikabat ang kinatibuk-ang pahat alang sa cash gift ngadto na sa P8,619,540,000.
Matud ni Secretary Pangandaman, “Ang pagpagawas sa year-end bonus ug cash gift, makatala na sa GAA alang niining tuiga.”
Samtang daghan ang naghinam-hinam nga modawat sa bonus, gipahinumdom sa DBM nga ampingan ug itunong sa sakto nga budget ang kwarta, subay usab sa adbokasya sa DBM.
Nakatala sa DBM Budget Circular (BC) No. 2016-4 pinitsahan April 28, 2016 ang mga lagda ug sumbanan sa paghatag sa bonus ug cash gift.
Ang year-end bonus katumbas sa usa ka buwan nga sweldo nga ang basehan mao ang swelso sa Octobre 31 ug samtang ang cash gift: P5,000 ihatag sa mga kwalipekado nga empleyado sugod Nobyembre 15 sa kasamtangan nga tuig.
Subay sa lagda sa DBM, ang year end bonus ug cash gift ihatag sa kwalipekado nga empleyado nga nagatigum og 4 ka buwan nga pangalagad sugod sa Enero1 nagdto sa Oktubre 31, ug wala gayud mapapha sa trabaho sa Oktubre 31 niining tuiga. (rahc/PIA-7/Bohol)
