Usa ka espesyal nga yugto sa Capitol Reports ang i-sibya karong Biyernes sa buntag (8:00), Oktubre 6, 2022, diin hisgotan ang mga nabuhat sa Adminstrasyong Aumentado-Balite sa ilang unang 100 ka adlaw sa Kagamhanang Probinsyal sa Bohol.
Ang sinemana nga forum, nga gihimo sa Provincial Information and Media Office (PIMO), ubos sa Kagamhanang Probnisyal sa Bohol, mo atubang sa kahimtang sa Probinsiya bahin sa panglawas, ekonomiya, turismo, ug agrikultura sulod sa unang 100 ka adlaw sukad sa paglingkod ni Gobernador Erico Aristotle Aumentado ug Bise Gobernador Dionisio Victor Balite.
200 ka mga bisita ang giimbitar sa PGBh nga mosaksi sa live viewing sa sinemana nga pasundayag sa Ceremonial Hall sa New Capitol Building sa Dakbayan sa Tagbilaran.
Gipaabot nga motambong sa maong kalihokan ang 48 ka Municipal Mayor sa Bohol, mga head sa nagkalain-laing departamento sa PGBh, mga representante sa Kongreso sa 3 ka distrito sa Probinsiya, ug mga sakop sa Sangguniang Panlalawigan.
Ang Capitol Reports gisibya live matag Biyernes sa alas 8 sa buntag sa DYRD, DYTR, 92.7 FM, ang Opisyal nga Facebook page sa Provincial Government of Bohol, ug sa Provincial Information and Media Office. (rvo/GC)
