GITIWASAN nalang og ihaw ang usa ka torijong kabaw human dili na kini makalakaw og tarong dihang giingong gitigbas sa wala pa mailhing suspetsado didto sa Sitio Bungtod, Brgy. Vallehermoso, lungsod sa Carmen, kagahapon.
Matud sa nag-viral nga Facebook post ni Nash Alconera, anak sa tag- iya sa kabaw nga nakadesisyon ang iyang ginikanan nga ihawon na lamang ang maong hayop. Gumikan kay dili na matahi ug nangabugto na ang mga ugat niini gumikan sa mga samad nga nahiagoman niíni.
Sayo niíni, ningdangop sa buhatan sa Carmen Municipal Police Station si Saturnino Alconera aron mangayo og tabang para mailhan ang responsable nga nagtigbas sa iyang kabaw.
Matud pa ni Saturnino nga iya untang itugway ang maong kabaw niadtong Huwebes sa buntag apan nakurat na lamang siya kay daghan kini og samad sa tiil ug agtang.
Gidudahan ni Saturnino nga lagmit nga na-tripan ang ilang kabaw kay dunay nanglabay sa dapit nga gitugwayan niini kay nagpista man sa ilang barangay. (ALAN ANDY NALZARO DALAGAN)
