TAGBILARAN CITY, Bohol, Jan 19 (PIA) –Nakaabut sa 11.02% ang kadaghanon sa mga nadakpan sa mga tinugyanan sa operasyon sa anti-illegal sa 2022 kon itandi sa 2021, hinungdan sa mas daghan nga nadakpan nga high value ug street level individuals.
Kini maoy napakita nga kamatuoran sa gipadayag nga presentation sa Campo Dagohoy pinaagi ni Lieutenant Colonel Joseph Berondo, atul sa pagpadayag sa sitwasyon sa kriminalidad sa Bohol sa duha ka tuig nga minglabay.
Sa Kahimtang sa mga krimen nga gilutos sa mga espesyal nga balaod, napakita nga ming-abut sa 406 ka operasyon nga nahimo sa mga tinugaynan sa 2021 ug ming-abut sa 470 ang nahimo sa sa mga kapolisan sa 2022.
Kon sa 2021, mikabat sa 31 ka mga high value individuals ang nasignit sa abtik nga kamot sa balaod, apan midaghan pa ngadto sa 55 ang nasulod sa karsel sa 2022, subay sa taho.
Sa mga ordinaryo nga mga drug pusher nga giisip nga street level individuals, gikan sa 415 nga nasikop niadtong 2021, ming-abut na sa 430 ang nasikop usab sa 2022.
Tungod niiniming-abut na sa 485 ka high value ug street level individuals ang nasikop sa mga tinugyanan sa 2022.
Sa tinamban nga pagkwenta, moabut sa kapin sa us aka tawo ang madakpan sa mga tinugyanan nga nagpatuman sa kampanya sa illegal nga drugas sa 2022.
Kini samtang nagpadayon pa ang Barangay Drug Clearing program sa Bohol, diin una na nga gikataho sa Philippine Drug Enforcement Agency nga 17 lamang ka barangay sa Bohol ang wala maapektohi sa illegal nga drugas.
Sa nagpadayon nga drug clearing program, gikataho nga ming-abut na sa 610 sa 1,109 ka barangay sa Bohol ang nuclear na.
Niini, 212 ang kanhi moderately affected ug 398 ka barangay ang kaniadto slightly affected apan karon, napalimpyo na.
Sa laing bahin, matud sa mga tinugyanan, ipadayon ang drug clearing s 272 pa ka barangay nga moderately affected ug 210 nga slightly affected .
Tungod niini. Ang kinatibuk-an nga 482 na lamang ka barangay ang wala pa ma clear sa Bohol. (PIA-7/Bohol)
