GIPOSASAN sa kapolisan ang usa ka lalaki kinsa nag-atubang og kasong kriminal sa korte didto sa Sitio Duwangon, Barangay Zamora, lungsod sa Bilar niadtong nakalabay nga adlaw.
Ang akusado giila nga si Venancio Quilas Calamba Jr., 46 anyos, mag-uuma, may live-in partner, lumolupyo sa Brgy. Zamora, Bilar, Bohol.
Ang ginsakpan sa Bilar Municipal Police Station, nisikop sa maong akusado. Pinasikad sa gahom sa warrant of arrest nga gipagawas ni Presiding Judge George Espinal sa Regional Trial Court 7th Judicial Region, Branch 51 nga nakabase sa lungsod sa Carmen. Kini gumikan sa kalapasan sa Section 5 sa Republic Act 7610 kun Special Protection of Children Against Abuse, Exploitation and Discrimination Act 396 counts.
Sigun sa taho nga giakusahan ang maong akusado sa iyang stepdaughter kun humagbos sa pag-buso niini.
Ang maong hukmanan mirekomendar og piyansa kantidad og P200,000 kada ihap kun moabot tanan ngadto sa P79.2 milyones.
Kasamtangang gisud sa selda sa Bilar PNP ang maong dinakpan. ( ALAN ANDY NALZARO DALAGAN )
