NANGAANGOL ang duha ka mga sakay sa motorsiklo human aksidenteng nakatapsing ang ilang gisakyang motorsiklo sa laing motorsiklo didto sa Barangay , lungsod sa Sagbayan mga alas 4:45 sa hapon niadtong Sabado.
Ang mga biktima giila nga sila Victor Millano Lamoste , 61 anyos ug Gonzalo Mascardo Lamoste, 43, pulos lumad nga lumolupyo sa maong dapit.
Sigun sa taho sa kapolisan nga samtang ang mga biktima luwan sa usa ka motorsiklo nga gimanehoan ni Gonzalo, uban sa iyang backrider nga si Millano, padung na untang mopauli sa ilang pinuy-anan. Dihang duol na unta sa ilang gipuy-an, padung untang moobertik apan wa nakabantay ang drayber nga may laing motor nga gimanehoan ni Salve Rico Pederico, 49, Taga Brgy. Esperanza, Dagohoy kinsa kalit miliko sa wala nga bahin kay naa untay paliton hinungdan nga iya kining natapsingan. Ug nalagpot ang backrider niini.
Daling gihatud si Millano didto sa Gov. Celestino Gallares Memorial Hospital gumikan sa mga angol nga nahiagoman niini. Samtang si Gonzalo minor lamang ang angol niini ug wala na nadala sa tambalanan.
Samtang ang drayber nga natapsingan wa usab na-admit. ( ALAN ANDY NALZARO DALAGAN )
