Mayorya sa mga Pinoy mi-aprobar ug misalig ni Presidente Ferdinand R. Marcos Jr., base sa labing uwahing survey nga gipagawas sa OCTA Research kaniadtong Merkules. Ang maong kalambuan gipahibalo sa FB post sa Office of the Press Secretary sa susamang adlaw.
Ang Tugon ng Masa poll sa OCTA nipakita nga nirehistro ang pinakataas nga lider sa Pilipinas og 86% nga “trust rating” ug 78% nga “performance rating”.
Matud sa maong survey, 4% lang ang nipadayag sa ilang “distrust” ngadto ni PBBM, samtang 5% ang wala ma-‘satisfied’ o matagbaw sa iyang performance.
Sa hisgutanan sa geographical areas, ang trust rating ni Presidente Marcos Jr. ana-a sa 82% hangtud 92%.
Ang pinakataas nga trust rating sa Presidente nakuha niya sa Mindanao nga niabot og 92%, samtang iyang nakab-ot ang 82% nga trust rating sa National Capital Region.
Sa socioeconomic classes, ang iyang trust ratings ana-a naglawig sa 78% hangtud 90%.
Nakuha ni PBBM ang pinakataas nga pagsalig sa mga hamtong nga Pinoy o ang mga ana-a sa Class E, o ang giilang “poorest of the poor” diin nakatala kini og 90%.
Ang performance ratings niya nagduwa sa 74% hangtud 85%, nga may pinakataas nga performance rating sa Mindanao sa 85%.
Samtang si Bise-Presidente Sara Duterte nakakuha usab og mayorya nga pagsalig ug pag-aprobar nga 86% ug 80%.
Sa hisgutanan sa “awareness”, 100% sa mga hamtong nga Pinoy ang “aware” o kahibawo ni Marcos ug Duterte-Carpio, suma sa OCTA survey.
Ang OCTA Research nihimo sa ilang labing ulahing survey gikan Oktubre 23-27 nga may 1,200 nga mga hamtong nga gi-interbyu sa tibuok nasud.
Ang OCTA usab una ng nipagawas og resulta nga 85% sa mga hamtong nga Pinoy ni-‘strongly agree’ nga ang nasud ilawom sa administrasyong Marcos nahisubay sa saktong dalan, diin anaay 6% lang ang nisupak.
Si PBBM nihulagway niini isip “very encouraging,” kinsa miingon nga importante nga ang mga polisiya ug mga programa sa gobyerno mabati gayud sa mga Pinoy sa tanang socioeconomic classes.
Anaay mga komento nga mas hayahay ang paglingkod ni PBBM kompara ni kanhi Pres. Rodrigo Duterte nga naabtan sa pandemya ug ubang mga dagkong suliran sa nasud.
Ana-a usab niingon nga layo ra si PBBM kompara ni Digong kon sa performance rating magbase. Hinuon, sayo pa aron hukman ang abilidad sa anak nga Marcos.
