TAGBILARAN CITY, Bohol, November 15 (PIA)–Nagpagawas si Presidente Ferdinand “Bongbong” Marcos Jr. og proklamasyon nga nagdeklara og dugang holidays ug mga kausaban sa non-working days alang sa 2023.
Sa amyenda sa Proclamation No. 42, gideklara sa Proclamation No. 90 ang Enero 2, 2023 isip special non-working day samtang ang Abril 10 ug Nobyembre 27, 2023 gi deklarar nang regular holidays.
“There is a need to adjust these holidays pursuant to the principle of holiday economics wherein a longer weekend will help encourage domestic travel and increase tourism expenditures in the country, (Adunay panginahanglan nga i-adjust kini nga mga holiday subay sa prinsipyo sa holiday economics diin ang mas taas nga semana makatabang sa pagdasig sa domestic nga pagbyahe ug pagdugang sa paggasto sa turismo sa nasud)” pahayag pa ni Marcos.
Matud pa sa Presidente nga natunong man ang Bag-ong Tuig sa 2023 sa adlaw nga Domingo mao nga angayan lang nga ideklara ang Enero 2 (Lunes) isip dugang espesyal nga non-working day sa tibuok nasud.
Aron usab ang katawhan makapahimulos sa mga benepisyo sa mas taas nga hinapos sa semana, ang Lunes, Abril 10, 2023, puli sa Domingo, Abril 9, 2023 gideklarar nga non-working holiday, base sa proklamasyon.
Apil usab ang Bonifacio Day nga gisaulog matag Nobyembre 30, natunong sa adlaw nga Huwebes alang sa 2023. Matud pa ni Marcos nga posibleng ideklara ang Nobyembre 27 nga non-working holiday samtang ang Nobyembre 30 gideklarang working day.
Samtang ang uban pang holiday nga nakadeklara ubos sa Proclamation No. 42 nagpabiling “unchanged, valid, and existing,” sumala sa prolamasyon. (ecb/PIA7-Bohol)
