B |
isan sa maayong gipakita ni Gob. Aris Aumentado, ana-a gihapo’y pipila sa pikas hut-ong nga dili kumbinsido sa iyang liderato sulod sa 100 diyas.
Kinsa sila? Ang iyang mga kritiko ilabina ang mga kaatbang sa politika o posibleng iyang makontra sa sunod Piniliay.
Kon basehan ang iyang unang 100 diyas, sama na sa asero kalig-on si Aris.
Impresibo gayud ang iyang mga nahimo sulod sa 100 diyas ug kini wala nahimo bisan sa mga nangaging amahan sa lalawigan. Kamatuoran nga dili matuis.
Ug buhing saksi niana ang usa ka gatos kapin nga mga dagko ug inilang negosyante nga nipadayag nga mamuhunan dinhi sa probinsya.
Samtang ang iyang mga kaatbang sa politika ilabina kadtong posibleng maoy iyang ka-kompetensya sa laing tulo ka tuig, giingong nangandam na sa ilang pundok, ang anak nga Aumentado nagpokus og ayo aron iyang matuman ang iyang saad sa katawhang Bol-anon: pa-abante-hon ang Bohol.
Wala sa hunahuna ni Aumentado ang pagpangampanya kay layo pa ang Eleksyon.
Apan si Aris sa dayag, nangampanya na. Nangampanya nga dili supak sa balaod. Unsa ba’ng klaseha ang pagpangampanya nga gibuhat ni Aris?
Ang iyang tinud-anay nga serbisyo-publiko maoy nagkampanya sa iyang kaugalingon. Ug kini nakita sa katawhan diha sa ilang mga pagdayeg.
Ang dakong puhunan ni Aris sa 2025 mao ang iyang mahimo sulod sa tulo ka tuig gikan karon.
