Nagmalampuson gayud ang mga magbabalaod sa Kongreso ug Senado sa ilang tingog nga i-oktaba ang Barangay ug SK Eleksyon karong Disyembre 5, 2022 ngadto sa Oktubre 30, 2023.
Nauswag ang maong Piniliay pinaagi sa pagpirma ni Presidente Bongbong Marcos, Jr. kaniadtong Lunes, Oktubre 10 sa mga balaudnon nga giduso gikan sa Balay de Representantes ug Senado ug gikonsolidar nga mao karon ang Akta Republika 11935.
Suma pa sa bag-ong balaud, ang tanang incumbent nga barangay ug SK officials kinahanglan moserbisyo ug magpabilin sa ilang katungdanan hangtud ana-a na’y mapiling bag-ong mga opisyales gawas lang kon sila tangtagon o kaha masuspenso.
Ang termino sa mga bag-ong mapiling barangay ug SK officials barangay ug SK officials magsugod sa ilang katungdanan sa Nobiyembre 30, 2023. Samtang sila magseebisyo sa termino sud sa tulo ka tuig.
Ang Comelec matud ni Comelec Chairman George Erwin Garcia niingon nga mosunod sa maong balaud.
Niingon si Garcia nga ang paglangay sa BSKE makadugang og P10 bilyones o moabot sa sobra P18 bilyones sa P8.4 bilyones ra unta nga magasto kon madayon pa karong Disyembre ang maong Eleksyon.
Apan si House Speaker Martin Romualdez niingon nga ang gikinahanglang pundo sa Comelec tungod sa pagka-uswag sa Piniliay sayon ra atubangon.
Ang tingog sa mayorya sa katawhan nagpasabot nga ang gibuhat sa mga magbabalaod dili para sa katawhan kondili para sa ilang kaugalingong interes.
Ilang gi-uswag ang BSKE aron dili makagasto kay ang mga modagan niini nila man moduol aron mangayo og pundo, ug sakit pa sa ilang bulsa kay bag-o pa nga nag-eleksyon kaniadtong Mayo 9.
Ang reklamo sa katawhan nga wala nakaangay sa mga naglingkod sa barangay ug sa SK nipabuhagay nga ang mga magbabalaod nga nibotar aron dili mahinayon ang Eleksyon, wala nagrepresentar nila.
