Panaghiusa ang mensahi ni Gob. Aris Aumentado nga gipaambit ni Atty. Jun Amora, governor’s office chief of staff, atol sa pagpasalamat sa Chinese new year gihimo sa Modala resort, Panglao, Bohol.
Si Aumentado linawas nga mitambong sa lumba sa dragon boat (friendly race) “Bugsay sa Pag-abante” atubangan sa maong resort kagahapon.
Matud ni Amora nga kinahanglan kaayo ang kahiusahan aron makab-ot ang tinguha sa kauswagan sa Bohol sama sa pagbugsay sa dragon boat aron tulin ang dagan sa tumong.
Sa iyang pamulong usab, si general manager Rommel Gonzales sa Modala resort nagkanayon nga panahn nan ga hatagan sa dakong pagtagad ang turismo pinaagi sa pagmugna sa ubang mga kalihokan ug attraction, sama Mandin Mountain Antique collectin ‘N Café Botanical Garden nahimutang sa Mahayag Norte, Catigbian, Bohol.
Mipalanog usab sa iyang mensahi s Bise-Gob. Victor Balite, pinaagi sa representasyon sa iyang anak Deejee Balite atol sa usa mubong programa.
Si Dr. Doyet Dumaluan, pangulo sa Bohol Paddlers Association, Inc (PDAI) mihatag usab sa iyang mensahi sa kabililhon sa dragon boat racing.
Gitapos an programa ug gisugdan dayon ang dragon boat “friendly” nga lumba, ug human sa pagpasundayag dragon dance atubangan sa mga bisita sa maong resort. (rvo)
