WAY kapasikaran ang pasangil ni Dauis Mayor Roman “Amoi” Bullen batok nila Bise Mayor Meriam Sumaylo ug sa bana niini nga si ABC pres. Joever Sumaylo nga nalambigit kini sa ginadiling drugas.
Kini human sa gipagawas nga pamahayag ni kanhi Presidente Rodrigo Duterte kalabot sa wala matud pay kapasikaran nga alegasyon ni Bullen sa pagkalambigit sa ilegal nga kalihokan sa druga sa magtiayong opisyal sa lungsod.
Wala hinuon matandog si Mayor Bullen sa nahimong pamahayag Duterte kinsa giingong midepensa ni Besi Mayor Sumaylo sa pagkalambigit sa ngan niini sa kalihokan sa ilegal nga drugas.
Kahinumduman nga usa ka mensahe ni Duterte ang gipagawas ni Sumaylo sa iyang Facebook post nga giingong dakong bakak ang alegasyon ni Bullen nga apil sa drug matrix si Sumaylo ug gihinganlan pa kini sa publiko. Apan sigun pa ni Bullen nga kung unsa man ang giluwatan nga pamahayag ni kanhi presidente iya usab kadtong katungod.
Matud ni Bullen nga iyang gibarogan ang una niyang pamahayag kabahin sa iyang nakita nga listahan sa mga pangalan sa drug matrix sa Bohol nga apil sila si Miriam ug Joever ug laing individual.
Andam usab si Bullen nga iyang atubangon ang bisan unsang reklamo o kaso nga ipasaka sa magtiayon batok kaniya sa korte. ( AND )
