TAGBILARAN CITY, Bohol, November 9 (PIA)–Ang gobyerno magpadayon sa paghatag og tabang sa nagkalain-laing sektor aron mapalambo ang panginabuhian sa katawhan ug mapalambo ang ekonomiya ilabina sa paggawas sa nasud sa pandemya, si Presidente Ferdinand “Bongbong” R. Marcos Jr. miingon niadtong Martes.
“Hangga’t mangyari ‘yun, kami po bilang gobyerno ninyo ay nandito upang tumulong at hindi kami aalis hanggang nakikita namin na kaya niyo ng magsarili dahil ‘yan po ang aming naging prayoridad na maiahon at pagandahin ang ekonomiya at dahan-dahang aabot din tayo diyan,” matud pa ni Marcos atol sa pag-apod-apod sa tabang sa gobyerno sa Palo, Leyte niadtong Martes, Nobyembre 8.
Matud pa sa Presidente nga ang gobyerno mosubay sa husto nga direksyon mao nga gibutang sa nag-unang priority list niini mao ang padayong paghatag og tabang.
Ang tabang ihatag aron masuportahan ang panginabuhi sa mga tawo, ang Presidente nagkanayon.
Matud pa nga ang hinabang ihatag ngadto sa micro, small and medium enterprises (MSMEs), sari-sari store owners, ingon man sa mga manual laborers.
Si Marcos miingon nga nibisita siya sa Leyte aron sutaon ang sitwasyon didto ug masiguro nga makadawat ang katawhan og suporta sa gobyerno bisan wala sila maigo sa kalamidad.
Matud pa sa Presidente, gikinahanglan ang tabang sa gobyerno aron matabangan ang mga tawo nga makunhuran ang epekto sa pagtaas sa presyo sa mga nag-unang palaliton ug mga palaliton sa agrikultura.
“Kaya’t ito po ay kailangan pa namin tugunan at dahil ang aming inaalala ay, halimbawa, sa agrikultura, kailangan tumaas ang produksyon, sa mga negosyo, kailangan magbukas na ulit at magkaroon ulit ng kita ang ating mga mamamayan,” pagtumbok pa sa Presidente. (ecb/PIA7-Bohol)
