Mayorya sa mga Pinoy wala malipay sa kon giunsa pagdala ni Presidente Ferdinand “Bongbong” Marcos Jr. ang suliran sa nasud Pilipinhon sa ‘inflation’, usa ka problema nga puwedeng makaapekto sa popularidad sa administrasyon niini kon dili makontrolar, suma sa taho sa Philstar.com. |
Mao kana ang nigawas sa usa ka survey nga gihimo sa tibuok Pilipinas sa polling firm nga Pulse Asia nga nitaho kaniadtong Huwebes, diin anaay 1,200 nga gi-interbyu sugod Septiyembre 17-21.
Ang maong survey nagpakita nga 42% sa mga gipangutana nikomento nga si Marcos Jr. wala kahimo og maayong lakang aron makontrolar ang taas nga inflation rate, samtang 31% niingon nga ‘satisfied’ sila sa aksyon sa gobyerno aron mapabarato ang mga presyo sa pamaliton ug serbisyo.
Tungod sa dili maayong performance ni PBBM, nakakuha kini og net approval rating — o ang diperensya sa approval ug disapproval nga puntos nga -11%, ang nag-inusarang area nga si PBBM nakadawat og negatibong performance rating.
Nakakuha kini og positibong net scores sa ubang areas, kinsa nakadawat og pinakataas nga ratings sa pagtubag sa mga panginahanglan sa mga apektadong lugar tungod sa mga kalamidad (+75%) ug ang pagkontrolar sa pagkatap sa COVID-19 (+74).
Ang Presidente nakakuha usab og positibong performance ratings sa pagmugna og daghang trabaho (+47%), pagpasaka sa mga suweldo (+46%) ug pagpakunhod sa kapobrehon (+13%) bisan pa negatibo kini sa pagdumala sa problema sa inflation.
Apan ang paspas nga pagsaka sa mga presyo nagpabiling dakong problema sa bag-ong administrasyon.
Ang mga resulta sa survey sa niaging buwan nagpakita nga 66% sa mga respondents nihulagway sa inflation nga maoy pinakadakong suliran sa nasud nga angay unahon og resolba sa Presidente, lakip na ang ubang problema sa korapsyon, law enforcement ug pagtubag sa pandemya.
Si Anthony Lawrence Borja, political science professor sa De La Salle University (DLSU) sa Manila, sa dihang gipangayoan og komento, niingon nga ang inflation maoy “a growing threat” sa popularidad ni Marcos.
Apan nidugang si Borja: “Inflation’s negative impact on Marcos’ popularity might be reduced by: (1) the capacity of Filipinos to excuse him by blaming other actors from economic managers to foreign governments; (2) high approval in relation to other pertinent economic issues like job creation and increasing salaries; (3) ‘maghigpit ng sinturon’ mentality or an endemic sense of resilience and survival sans the government.”
Ang laing makasalbar usab kuno sa imahe ni PBBM mao ang pagpadayon sa pagpanghatag og ayuda nga gisugdan sa niaging administrasyon.
Apan anaay praktikal nga tambag sa mga eksperto ngadto sa katawhan: magdaginot — palita lang ang mga gikinahanglan gayud.
