BISAN og wa pa maseguro nga madayon ba ang Barangay ug SK election karong Disyembre 5 niining tuiga, gikataho nga aduna nay pipila ka mga dapit ug barangay dinhi sa Bohol nga kompleto na ang ilang linya ug andam na sa bugnong lugaynon.
Ingon niini ang dagan human ang Commission on Election kun COMELEC miingon nga kun dili mapalabang sa bicameral Conference Committee sa senado ug house representative ang balaudnon nga mag-oktaba sa maong piniliay sud karong buwana, madayon gayod ang election karong Disyembre 5.
Nasayran sa mga tigbalita gikan ni Atty.Elesio Labaria, COMELEC supervisor dinhi sa Bohol nga karong semanaha mag-session na usab ang mga magbabalaud sa ubos bay balauranan ug giingong tagdon ang mga balaudnon nga nagpugong o pag-oktaba sa maong piniliay ug mag-recess na usab sa kataposan karong buwana. ( AND )
