GIAPROBAHAN sa Philippine Rural Development Project sa Bohol pinaagi sa World Bank una sa duha ka proyekto mao ang rehabilitation sa Pondol paingon sa Candaigan nga usa ka farm to market road sa lungsod sa Loon nga may gilay-on nga mokabat sa 4.74 kilometro diin nagkantidad kini og 114 milyon ka pesos.
Ikaduha mao ang rehabilitation usab sa Brgy. Campagao paingon sa Brgy. Cabacnitan farm- to-market road sa lungsod sa Bilar diin mokabat ang gilay-on niini sa 10.97 kilometro diin anaa sa 198 milyon ka pesos Ang kantidad niining proyektoha.
Sa kinatibuk-an,mokabat kini sa 312 milyon diin kining pondoha gikan sa Philippine Rural Development Project Kun PRDP pinaagi sa World Bank ug gi-implementar sa Department of Agriculture diin ang probinsya sa Bohol ang nahimong recipient niini. Ang maong notice of award jun NOA nahimong epektibo niadtong Lunes.
Samtang sa pagkakaron ang proyekto sa lungsod sa Loon nga nagkantidad og 140 milyon ka pesos wala pa na bidd-out tungod kay giagi kini sa saktong proseso diin aduna nay lowest bidder nga nagkantidad og kapin 91 milyon ka pesos diin mao usab ang nakadawat sa award.
Samtang ang Bilar project usab nga nagkantidad og 198 milyon wala pa ma bidd-out diin sa pagkakaron ang kantidad niini human sa bidding nahimo kining kapin 170 milyon ka pesos.
Target sa maong proyekto nga mahatagan og kasayon ang mga bol-anong mag-uuma sa daling transportasyon sa ilang mga produktong agrikultura paingon sa mga kamerkadohan, usa ka lakang sa dugang pagpalambo sa ekonomeyanhong bahin sa Bohol. ( AND )
