Kapin sa 600 ka mga chairmen gikan sa nagkalain-laing barangay sa probinsiya ang mitambong sa opening program sa Sangguniang Kabataan (SK) Federation of Bohol’s provincial congress, usa ka 3 ka adlaw nga kalihokan gikan sa Sept. 29 hangtod Oktubre 1, 2022, sa Bohol Tropics Resort, Tagbilaran City.
Opisyal nga gisugdan ang programa pinaagi sa welcome address gikan sa SK-Bohol federation president ug Board Member Christian Victor Bolos nga nag-awhag sa mga partisipante nga dili kalimtan ang malingaw, ug makig amigo sa ubang mga mitambong sa 3 ka adlaw nga kalihokan.
Dugang pa niya nga ang kalihokan usa ka higayon para sa SK Chairmen nga makat-on gikan sa mga pakigpulong sa nagkalain-laing departamento sa Gobyerno nga giimbitar aron hisgotan ang mga topic sama sa saktong pag liquidate sa mga proyekto sa SK ug pag proseso sa mga bayronon.
Mitambong sa maong kalihokan ang Bise Gobernador nga si Victor Dionisio Balite, 1st District Congressman Edgar Chatto, Board Members Romulo Cepedoza, Aldner Damalerio, Lucille Lagunay, Tagbilaran Mayor Jane Yap, ug ang representante ni Gobernador Erico Aristotle Aumentado nga si Executive Assistant Metodio John Maraguinot Jr.
Mihatag ang mga bisita og makapadasig nga mensahe alang sa mga kabatan-onan nga mahimong aktibo sa pagpalambo sa komunidad pinaagi sa youth leadership.
Mosalmot sa 3 ka adlaw nga aktibidad ang Bureau of Treasury (BTr) aron hisgutan ang mga bond ug bayad nga naglambigit sa SK ug sa Barangay.
Moapil usab ang Bureau of Internal Review (BIR) aron hisgutan ang pagproseso sa pagbayad ug pagrepaso sa SK Capability development plan ug pag-apruba sa SK budget gikan sa Department of the Interior and Local Government (DILG). (rvo/GC)
