SA Ikatulong higayon subling namatud-an ang pagka business friendly city ang dakbayan sa Tagbilaran.
Kini human mismong si Presidente Bongbong Marcos Jr. ang nitunol kang City Mayor Jane Yap sa pasidungog nga Most Business Friendly City of the Philippines niining tuig 2022, City Level Free.
Kauban usab ni Mayor Jane sa pagdawat sa award ang iyang bana nga si kanhi Mayor Baba Yap atol sa pagsaulog sa ika-48 nga Business Conference and Expo didto sa kaulohan.
Gipasalamatan usab ni Mayor Jane ang Philippine Chamber of Commerce and Industry sa pag-ila sa mga paningkamot ug best practices sa maayong pang goberno sa dakbayan sa Tagbilaran uban usab sa pribado nga sector.
Matud ni Mayor Jane nga ang pasidungog kadaugan kini sa mga taga Tagbilaran maong gipasalig niya ang padayong pagtinabangay ug pagpaningkamot para sa kalamboan sa dakbayan sa Tagbilaran. ( AND )
