NANGAANGOL ang upat ka mga sakay sa usa ka pribadong tri-cab human aksidenteng nabalintong sa tunga nga bahin sa national highway didto sa Barangay Poblacion, lungsod sa Corella pasado alas 8:00 sa buntag niadtong Lunes.
Ang biktima giila nga sila si Heracleo Horcerada, 51 anyos, minyo, drayber, ug asawa niíni nga di Francisca Horcerada, 54, lumolupyo sa Brgy. Canangcaan, Corella, Melita Agad, 48, ug Ena Marie Agad, 24, pulos molupyo sa lungsod sa Sevilla.
Sigun sa inisyal nga imbestigasyon nga samtang ang tri-cab kolor green gimanehoan ni Heracleo nagdagan paingon sa direksiyon sa siyudad sa Tagbilaran nga gisakyan sa mga biktima. Dihang pag-abot duol sa eskina padung sa menteryo sa maong dapit, giingong ni-malfunction ang makina ug aksidenteng nabalintong ang nahisgutang sakyanan.
Pag-abot eskina padung menteryo, ni malfunction ang makina ug nabigla og brake hinungdan sa disgrasya, butyag ni PMsg Renato Sinajon sa Corella Municipal Police Station.
Nakaangkon og mga pangos ang mga biktima ug daling gidala sa Rural Health Unit sa maong lungsod. ( ALAN ANDY NALZARO DALAGAN )
