USA ka batang lalaki nga gibanabanaang nagpangedaron og tulo ka buwan ang napalgang gibilin sa iyang way puangod nga inahan sulod sa City Central Market sa Brgy. Dampas, dakbayan sa Tagbilaran niadtong Sabado sa sayong buntag.
Ang bata nakit-an sa mga tawo mga alas 4:30 sa sayong kabuntagon human nadunggan nga nihilak.
Matud ni Romil Roluma nga ang maong bata gisulod sa usa ka bukag ug gipabalunan kini og gatas nga kinutaw ug lampin.
Sumala ni Roluma nga nabantayan sa ALERT Team nga dunay traysikol nga nilabay sa maong dapit nga posibling maoy gisakyan sa inahan.
Adunay mga labhag o rashes sa tiyan sa maong bata.
Ang maong bata gidala na sa balay ampunan sa lungsod sa Albuquerque. Samtang gipangita ang ginikanan niini. ( ALAN ANDY NALZARO DALAGAN )
