Ang pagmahal sa uling nga igsusugnod sa mga planta nga gipaandar aron makakuhag koryente, maoy nakaangin sa presyo sa koryente nga gibayran sa mga konsumidor.
Kini maoy tataw nga gipasabut sa Bohol Electric Cooperative I (Boheco 1) sa ilang gipadayag sa ilang facebook page, Oktubre 6.
Matud sa Boheco 1, ang koryente nga gikan sa planta nga gisugnoran og uling, miangkon sa labing dako nga pahat sa tinubdan sa koryente nga gikuha para sa mga konsumidor sa Pilipinas.
“Pasabot [niini] nga ang atong nasud gagamit [ug] gahum sa kuryente gikan sa mga coal-generated power plants, saysay sa Boheco sa iyang labinmg uwahi nga pahayag.
Gipadayon sa kooperatiba sa pagpang-apud-apod sa koryente nga “Sa generation mix ni BOHECO I sa Seytembre, mokabat [ug] 87.57% nga gikan sa mga coal-generated power plants.
Segun sa ilang gipaambit nga matrix sa pagkalang-kalang pagpatin-aw sa bili sa gibayrang koryente, sa Septembre 2022, ang bili sa usa ka kilowatt nga konsumo, anaa sa P17.2086 o P17.2021.
Niini nga kadak-a sa balayranan, kapin sa P11.55 nga gibayad, dili makuha sa Boheco apan adto ibayad sa nagsupply sa koryente o power generators sama sa Cebu Energy Development Corporation, GN Power, SMEC, WESM ug Net Metering.
Ang Boheco mao nay gipasanginlan nga may dako og ginansya sa ilang mahal nga tingil sa bayad sa koryente, apan sa kinatbuk-an, mag-agi lamang og P2.35 ang mopaingon sa panudlanan sa kooperatiba sa matag kilowatt.
Sumpay sa Boheco, “ang gasto sa pag generate sa kuryente, mopaingun sa generation charge. Mao nga, sa gidak-on sa bahin sa coal sa generation mix, ang epekto niini sa generation charge, taas ug dako usab.”
Dili sama sa geothermal, hydro-electric, solar ug wind power, ang bili sa pagkuha sa koryente mas barato kon itandi sa pagpadagan sa makina nga magpagawas og koryente apang kinahanglang sugnoran og uling o sa diesel power plant nga kinahanglang tubilan og krudo aron may koryente nga ikapagawas.
Gidugang sa Boheco nga ang presyo sa uling, nga angkaton sa Pilipinas gikan sa mga langyawng nasud nga nagmina niini, wala magpundo.
Ang presyo sa Coal Fuel o Raw Coal gausab kada bulan.
Tungud kay kasagaran sa coal nga gigamit sa atong mga power plants gipalit ug giangkat sa gawas sa nasud, sa presyo sa dolyar, apektado na usab kin isa inflation uban ang posibilibad sa pag usab sa generation charge kon ang presyo sa international coal, mu-usab na usab.
Gitmbok usab sa kooperatiba ang panagbangi sa duha ka nasud, nga mao ang Russia ug Ukraine, nga usa sa mga rason sa pag-usbaw sa presyo sa uling.
Ang Russia maoy ikaunom nga nasud nga may labing baga og deposito sa uling, samtang ang Ukraine nasulod pa usab sa 20 ka nasud nga may dagkong pamaligya sa uling.
Dala sa nagpadayon nga gira, namenos ang pagpagawas sa uling sa duha ka dagkong nasud, hinungdan sa pagnihit sa uling.
Apan, kon anaa sa P17.2068 ag Boheco 1, ngano kaha nga ang Boheco 2 nga rate sa matag kilowatt, anaa ra sa P13.87 ug ang parehas nga utilities distribution company nga Bohol Light Incorporated, anaa ra man ang ilang kilowatt sa P14.72n nga parehas ra man sila og gikuhaan sa generation? (BBDN)
