HINGSAMDAN ang usa ka ulitawo human giingong gidunggab sa silingan niini gumikan lamang sa selos didto sa Barangay Dampas, siyudad sa Tagbilaran niadtong Merkoles sa gabii.
Ang biktima giila nga si Richard Cempron Jr., 27 anyos.
Ang suspetsado nailhan nga si alyas Bombom Castañares, hamtong ang pangedaron, may kapuyo, pulos residente sa Sitio Caraw-an, J. A. Clarin St., Brgy. Dampas, Tagbilaran.
Sigun sa pakisusi sa kapolisan nga mga alas 6:40 sa gabii ang biktima nag-charge og cellphone didto sa tindahan sa iyang iyaan sa maong dapit. Dihang kalit lamang niabot ang suspek ug sa way daghang pangutana ug hinungdan, gidunggab ang biktima gamit ang mahait nga kutsilyo ug naigo sa dapidapi niini.
Daling gihatud ang maong biktima didto sa Gov. Celestino Gallares Memorial Medical Center.
Dugang taho nga selos ang hinungdan sa maong hitabo sanglit nagtuo ang suspek nga adunay relasyon sa kapuyo niini ang maong biktima.
Padayon pang gisundan sa City PNP ang maong hitabo ( ALAN ANDY NALZARO DALAGAN )
![](https://i0.wp.com/boholbalita.com/wp-content/uploads/2022/08/297250573_5616130511770268_6935859902824866874_n-scaled.jpg?fit=1024%2C450&ssl=1)