GITUMBOK nga ang wa magsagop sa dengue ordinance mao pipila ka mga nakit-ang hinungdan kon nganong way hunong ang pagsaka sa kaso sa dengue dinhi sa Bohol karong tuiga.
Sa uwahi nga datos nga gipagawas sa Provincial Health Office kun PHO, mokabat na ngadto sa 2,227 ang natala nga kaso sa dengue gikan sa Enero 1 hangtod sa Oktubre 26 ning tuiga.
Mas taas kini og 1,198 porsiyenyo kun itandi sa samang panahon sa nakalabay nga tuig.
Leonidas Saniel, the Provincial Health Office’s (PHO) dengue program coordinator, the PDTF program, which was launched during the Chatto administration, was strictly implemented until the COVID-19 pandemic broke out in 2020.
Matud ni Leonidas Saniel, dengue program coordinator sa PHO nga ang ilang nakita mao ang wala pagsagop sa mga munisipyo kabahin sa dengue ordinance ngadto na sa kabaranggayan, wa molihok ang Purok Dengue Task Force, kuwang gihapon sa kahibalo kun unsa ang kahinungdanon sa 4S, wala ma-utilize ang mga dengue leaflets, dili mabinantayon ang matag household member ug kuwang sa political will ang mga barangay opisyal.
Tungod niini, subling gipanawagan ni Saniel ang tanan nga pakusgan pa ang kampanya batok sa dengue pinaagi sa pag-activate ug pagsagop sa mga nag-unang nakit-ang hinungdan sa pagsulbong og maayo sa maong balatian.
Sa pagkakaron, ang mga lungsod nga dunay daghang kaso gipangunahan kini sa lungsod sa Talibon nga may 292 ka kaso, gisundan sa siyudad sa Tagbilaran nga may 245 ka kaso, Anda, 110; Ubay, 104, Sagbayan, 97; Clarin, 93; Inabanga, 88; gisundan Dauis, Guindulman ug lungsod sa Tubigon. ( AND )
