Taas ang mga ratings ni Presidente Ferdinand “Bongbong” R. Marcos, Jr., apan anaay usa nga iwit kaayo siya: ang hisgutanan sa inflation.
Mahal ang mga pamaliton ug ang mga nag-unang serbisyo. Unya barato ang suweldo sa mga tawo. Kasagaran.
Ang mga eksperto niingon nga bisan ang mga dagkong nasud, ana-a usab sa kalisod tungod sa “global crisis” nga gibilin sa pandemya sa COVID-19, ubang mga hinungdan, lakip na ang hisgutanan sa taas nga inflation rate.
Ang mga panagbangi sa ubang nasud nga nakapamahal sa gasolina ug krudo ug ubang produktong petrolyo, anaay dakong epekto sa pagsaka sa mga pamaliton ug serbisyo.
Ang kamahal sa presyo sa produktong petrolyo, makita ang epekto sa presyo sa mga pamaliton samot na nga niagi ang Pasko ug sa nataran sa transportasyon.
Mao kini ang usa sa giyawyaw sa giilang kritiko ni PBBM nga si Jesus Falcis, usa ka abogado.
“Nothing about inflation, presyo ng noche buena, and the transportation crisis.
Pero merong upload about receiving the Gold Play Button sa Malacañang pa mismo.
From your Vlogger President, Merry Christmas 31M!,” matud ni Falcis nga nisaway sa Pangulo.
Daghan ang naglaum ug nagpaabot nga masolusyonan kini sa Presidente. Apan sa pagka-karon, kon unsa ka mahal ang mga pamaliton ug ang mga serbisyo, mao kana’y lagmit dayag nga tubag sa maong pangutana.
