Sa kalisod sa panahon karon, kinahanglan nga makakolekta og buhis ang gobyerno sa Pilipinas.
Bag-o lang nanawagan ang usa ka militanteng grupo nga usbon ang sistema sa pagbuhis dinhi sa nasud Pilipinhon.
Bag-o lang usab nilang giadto ang buhatan sa Department of Finance (DOF) sa Manila alang sa pagpaabot sa maong katuyoan.
Ilang gipanawagan nga ang mga dato sama sa mga milyonaryo ug bilyonaryo ra ang pabuhison ug dili ang mga pobre.
Ilang gipangatarungan ang pagtaas sa presyo sa mga pamaliton ug produktong petrolyo tungod sa epekto sa pandemya sa COVID-19, ug naglisod na og ayo ang ordinaryong katawhan, suma sa taho nga napatik sa ABS-CBN News.
Kaysa buhisan ang mga pobre pinaagi sa value added tax (VAT), ilang gisugyot nga ipahamtang ang ‘wealth tax’.
“Ang pera nasa kamay ng mga bilyonaryo ng mga malalaking negosyante kaya dapat sila naman ang tawagan para magbayad ng buwis. Ipatupad ‘yung panawagan naming wealth tax ‘yun ang paraan para magkaroon ng pondo ang gobyerno para gastusin sa pangangailangan niya sa pagpapatakbo ng ating pamahalaan,” matud ni Leody de Guzman, chairperson ng Bukluran ng Manggagawang Pilipino, kinsa napildi sa pagdagan pagka-Presidente kaniadtong Mayo 9.
Giatubang sila sa pipila ka mga opisyales sa DOF ug nagdayalogo.
“Sabi ni Didith Tan ay pinag-uusapan nila ‘yung tungkol sa ating mga proposal magandang balita ‘yun na pinag-uusapan nila pero sana huwag lang pag-usapan sana magkaroon pa ng panibagong pagkaklaro para ipatupad ‘yung ating kahilingan,” suma ni De Guzman.
“‘Yung ating kahilingan ay naaayon sa konstitusyon kaya doon nai-deliver namin ‘yung aming kahilingan na dapat ang ita-tax ‘yung mayayaman sa anyo ng wealth tax at alisin ‘yung VAT.”
Ang mga dagkong negosyante ug kompanya ilabina kadtong mga bilyonaryo ug nakahatag og dakong kontribusyon sa ekonomiya sa Pilipinas, giingong gihatagan og pabor sa gobyerno pinaagi sa ‘exemption sa buhis’.
Kaniadtong Hunyo niining tuiga, si Presidente Bongbong Marcos, Jr. giaghat sa usa ka eksperto sa ekonomiya nga pabuhison ang mga bilyonaryo kaysa mopahamtang og bag-ong buhisan sa publiko.
Ikaw, ilabina kon kabus ka, pabor ba ka nga ang mga dato sama sa mga milyonaryo ug bilyonaryo ra ang pabuhison?
