ANG Land Transportation Franchising and Regulatory Board kun LTFRB mipahibalo nga mahimo nang mo-request ang mga public utility vehicles, operators og mga updated nga mga fare metrics isip pagpangandam sa nagsingabot nga pagsaka sa pletehan.
Sigun ni Rey Alnar, Assistant Regional Director sa LTFRB 7 nga sugod sa Oktubre 3, 2022, ipatuman ang bag-ong adjustment sa pletehan sa tanang pampublikong sakyanan. Apan kinahanglan nga dunay updated fare metrics ang mga drayber bago mangolekta og usbaw sa pletehan.
Alang sa mga operator nga mokuha og fare metrics kinahanglan nga magdala sa pinakabag-ong OR ug CR sa sakyanan gikan sa Land Transportation Office, franchise verification, kopya sa provisional authority o certificate of public convenience ug official receipt of payment.
Dunay mabayran nga P500 alang sa pagkuha og updated nga fare metrics nga aprobado sa LTFTB.
Gipahibalo usab sa buhatan nga abre ang ilang opisina aron modawst og mga request sa fare metrics guide gikan sa Lunes hangtud Bernes. ( AND )
