Si Congresswoman Alexie B. Tutor nagkanayon nga ang giuswag nga piliay sa Sangguniang kabataan ug barangay nga gitakda sa Disyembre 5, 2022 ngadto na sa Oktubre sa sunod tuig (2023) aprobado na sa House of Repesentatives.
Ug misunod ang Senado sa pag-aprobar sa mao nga pag-oktaba sa nahisgotang piliay.
Kon mahinumduman, ang tulo ka mga Bol-anong kongresista—-Cong. Edgar Chatto, Congw. Vanvan Aumentado ug Congw. Tutor —- mipabor ug midason sa pag-oktaba sa barangay ug SK elections sa niaging semana.
Ang bicameral committee nga gilangkoban sa House of Representatives ug Senado nag-approve sa maong ‘postponement’ sa elections.
Gitaho usab ni Tutor nga ang national budget sa nasud na-aprobahan na usab.
Human niini, ang Kongreso nag-recess una’ ug mobalik ang ilang regular session sa Nobiyembre ning tuiga, matud sa kngreista sa 3d district.
Bisan na niini nga ‘recess,’ si Tutor nakigtagbo’ kang immigration commissioner Norman Tansingco ug sa usa ka women’s association. (rvo)
