Mibisita ang Department of Human Settlements and Urban Development (DHSUD) Secretary nga si Jose Rizalino “Jerry” L. Acuzar kang Calape Mayor Julius Caesar Herrera niadtong Biyernes, Septiyembre 30, 2022.
Atol sa pagbisita, nalipay si Mayor Herrera sa pagduaw ni Acuzar sa ug sa iyang interes sa pagpalambo sa urban development sa lungsod ug sa probinsya.
Matud pa sa pahayag gikan sa Municipality of Calape, labot sa hilisgotan sa maong pagduaw ang lagmit nga pagpatukod og mga housing project sa maong lungsod.
Uban sa mitambong sa courtesy visit si Acting Chief Executive Officer Pag-IBIG Fund (HDMF) Hon. Marilene C. Acosta, Kanhi Cabinet Secretary Leoncio B.Evasco nga karon ang head sa Probinsya sa Bohol OGAR (Office of Governance Accountability of Review).
Sa pagkakaron, nagsubay ang Municipality of Calape og mga mahimong lugar para sa mga umaabot nga mga proyekto gikan sa DHSUD. (rvo/GC)
![](https://i0.wp.com/boholbalita.com/wp-content/uploads/2022/08/297250573_5616130511770268_6935859902824866874_n-scaled.jpg?fit=1024%2C450&ssl=1)