NAAREGLO na ang kasong libelo sa Holy Name University batok sa kontrobersiyal nga social media influencer ug Manila-base businessman Willy Ramasola.
Matud sa post ni Ramasola nga dunay nahitabo nga compromise agreement diin gi-withdraw sa HNU ang kaso nga libel nga may kalabotan sa post niini sa Facebook kabahin sa resulta sa election survey nga gipagawas sa unibersidad niadtong tuig 2019.
Si Ramasola niluwat usab og suwat nga nangayo kini’g pasaylo sa HNU sa iyang pag- post sa Facebook niadtong Mayo 15, 2019.
Kahinomduman nga ang maong survey nilabaw si kanhi gobernador Art Yap kang kanhi Cab Sec. Leoncio Evasco kinsa nagsangka kini pagka gobernador sa Bohol.
Si Ramasola kinsa nailhan nga supporter kaniadto ni Evasco, niangkon nga wala siya nihimo og fast checking sa dihang gitawag niini og bogus ang gipagawas nga resulta sa survey sa HNU.
Nangayo usab og pasaylo si Ramasola sa mga nagpaluyo sa HNU survey sa iyang napasakitan nga sila si Fr. Francisco Estepa SVD, Fr. Ruel Lero SVD, Dr. Maria Paz Jimenez Espiritu ug mga sakop sa HNU Research and Publication.
Samtang giila usab ni Ramasola ang kredibilidad sa tanang gihimong HNU Bohol Poll Survey. ( AND )
