Dako ang pagtuo ni Congresswoman Alexie B. Tutor nga mamahimo ang Candijay Community hospsital sa Don Emilio del Valle Memorial hospital sa Ubay, Bohol.
Bisan layo pa sa tinuod, malaumon si Kongresista Alexie Tutor nga makab-ot ang tinguha nga mabalik sa kagamhanang nasyonal ang pagdumala sa Candijay Community Hospital sa lungsod sa Candijay.
Kini ilabina kay pareha sila og tumong ni Gobernador Aris Aumentado.
Daghan pa og kuwang ang CCH alang sa maong katuyuan maong gi-meeting sa kongresista kagahapon ang mga kadagkuan sa tambalanan aron mahisgutan ug mahatagan og tubag ang pag-ugmad sa CCH nga gipanag-iya sa probinsiya.
Ang CCH karon aduna lamay 10 ka higdaanan maong iyang gipangusgan nga madugangan kini ngadto na sa 50 aron mamahimo na kini nga level 1 para makaabli na sa usa ka specialty hospital.
Misang -at siya og balaudnon sa kongreso alang sa maong katuyuan.
Gipasabot sa magbabalaud nga gipangusgan niya nga mabalik sa national government ang operation and management sa CCH aron mahatagan kini og saktong budget alang sa pagpadagan ug madugangan pa og mga medical nga mga kahimanan.
Kauban sa tigom sa kongresista si Dr. Em-em Uy, Dr. Arnold Cagulada, Candijay Mayor Thamar Olaivar, ug CCH Chief Dr. Alex Sumera. Kahinumdoman, gipaimbestigahan ni Cong. Tutor ang hospital modernization program ni kanhi Gobernador Art Yap. Nangutang sa bangko ang administrasyon ni Yap og P35M para sa modernisasyon sa CCH apan ang agi sa trabaho kapin pa sa 50 porsyento.” (rt/rvo)
