Bohol posibleng mahimong pinaka unang UNESCO Geopark sa Pilipinas, matud pa ni Gobernador Erico Aris Aumentado atol sa iyang100 Days Report sa Capitol Reports sa Ceremonial Hall sa New Capitol Building, Biyernes, Oktubre 07, 2022.
Atol sa iyang pakigpulong, gihisgutan ni Gobernador Aumentado ang nominasyon sa geological landscape sa Bohol alang sa UNESCO Global Geopark sulod sa iyang unang 100 ka adlaw sukad siyang pagpanumpa isip Gobernador sa lalawigan.
“Globally, Bohol is attracting notice like a rockstar. Our Province has just been nominated for its rare geologic monuments, biodiversity, rich cultural heritage, and tourism sites. They are being managed in a sustainable and holistic manner”, matud pa sa Gobernador sa iyang pakighinabi sa iyang 100 days report sa programang Capitol reports.
Gipili ang Probinsya nga makauban sa UNESCO Global Geopark tungod sa talagsaon nga geological landscape niini, sama sa Chocolate Hills sa Carmen. Kauban niini sa nominasyon ang Waitaki Whitestone, New Zealand, Khorat, Thailand, Ijen, Indonesia; Kinabalu, Malaysia, Maros Pangkep, Indonesia, ug Aras, Iran.
Ipangusgan sa administrasyong Aumentado-Balite nga ma tuman ang Sustainable ug environmentally-conscious tourism sa probinsya. Atol sa nominasyon, gilaum sa Gobernador nga kini motultol sa pag-atiman og pagkonserbar sa kalikopan sa Bohol. (rvo/GC)
